Sot është dita e fundit e ceremonive gjashtëditore të zisë publike në Iran dhe Irak, të organizuara nga udhëheqësit e rinj iranianë për të shfaqur unitet dhe për të theksuar rëndësinë e liderit suprem të vrarë në orët e para të luftës për Iranin dhe komunitetin më të gjerë shiit.

Sipas transmetuesit britanik BBC, procesioni mortor është shoqëruar në çdo ndalesë nga turma të mëdha, ndërsa sot ka mbërritur në qytetin e shenjtë iranian Mashhad, vendlindjen e Ajatollah Khameneit.

Marrëveshja e përkohshme e armëpushimit me SHBA-në, e arritur muajin e kaluar, nuk arriti të eliminojë rrezikun e përshkallëzimit. Me një marrëveshje të paqartë dhe të interpretuar ndryshe nga palët, Irani dhe rajoni duket se po hyjnë në një fazë “as luftë, as paqe”, me përplasje të herëpashershme dhe përpjekje për negociata mbi çështje kyçe si ngushtica e Hormuzit dhe programi bërthamor i Iranit.