Ish-deputetja e Guxo, Jeta Statovci i është bashkuar ish-presidentes Vjosa Osmani, për zgjedhjet e 7 qershori.

Lajmin e ka bërë të ditur Osmani përmes një njoftimi në Facebook.

“E nisëm bashkë rrugëtimin në Kuvend. Dhe bashkë po vazhdojmë drejt Kuvendit”, ka shkruar ajo.

Ajo ka thënë se i kanë bashkuar vlerat mbi të cilat e kishin nisur fillimisht rrugëtimin.

“Jeta Statovci ishte vetëm 26 vjeçe kur mori mandatin e saj të parë, për t’u rikonfirmuar tri herë radhazi me besimin e qytetarëve, duke qenë vazhdimisht ndër deputetet më të votuara. Na kanë bashkuar ndër vite virtyti, vizioni, vullneti dhe e vërteta. Mbi të gjitha, na bashkojnë vlerat mbi të cilat e nisëm këtë rrugëtim. E kur ato devijojnë, ne ringrihemi në këmbë, për dashurinë ndaj vendit dhe për rrugëtimin e sigurt të Kosovës”, ka shkruar mes tjerash Osmani.

/Kosovapress/