Tjetër medalje për Kosovën në Botërorin e Xhudos, Laura fiton të bronztën
Dëgjoje me zë...
Tjetër medalje për Kosovën në Botërorin e Xhudos, Laura fiton të bronztën
Laura Fazliu ka shkëlqyer sërish në arenën botërore të xhudos, duke fituar medaljen e bronztë në Kampionatin Botëror që po mbahet në Budapest. Kjo është medalja e dytë e saj radhazi në këtë nivel, pasi edhe vitin e kaluar kishte fituar medalje bronzi.
Në kategorinë deri në 63 kilogramë, Laura tregoi formë të shkëlqyer gjatë gjithë ditës. Në luftën e parë, ajo mposhti me dominim të plotë rivalen nga Kosta Rika, Sofia Gadelha. Më pas, në ndeshjen e dytë, e kaloi me sukses italianen Carlotta Avanzato, me një hedhje të bukur për Ippon në minutën e fundit.
Në çerekfinale u përball me kampionen braziliane Rafaela Silva. Ndonëse dha gjithçka, Laura u ndal nga xhudistja me përvojë, duke e humbur mundësinë për finalen e madhe. Por ajo nuk u dorëzua – në repesazh tregoi karakter dhe siguruaroi medaljen e bronztë për Kosovën.
Kjo është medalja e dytë për Kosovën në këtë kampionat, pas suksesit të Distria Krasniqit, e cila fitoi medaljen e argjendtë duke e konfirmuar Kosovën si një forcë serioze në xhudon botërore.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
