Anëtari i Aleancës Evropiane të Agjencive të Lajmeve (EANA), Elmir Huremoviq ka vlerësuar punën për më shumë se dy dekada të Agjencisë së Lajmeve KosovaPress.  Sipas tij, prania e KosovaPress-it në rrjetin e agjencive më të madha botërore është meritore.

Në shënimin e 25-vjetorit, ku po marrin pjesë ambasadorë, përfaqësues të qeverisë, e mediave më të mëdha në Ballkan e Evropë, ai tha se KosovaPress duhet të gëzojë mbështetje.

Kurti: KosovaPress ndan të njëjtin përvjetor me çlirimin e vendit tonë, ishte njësiti kryesor i luftës për liri • KosovaPress

Ai ka përgëzuar KosovaPress-in për punën e bërë gjatë më shumë se dy dekadave dhe shënimin e një çerekshekulli të punës.

Ndryshe, nesër Agjencia e Lajmeve KosovaPress do të jetë nikoqire e konferencës ndërkombëtare "Kufijtë e Lirisë së Fjalës", për nder të 25-vjetorit të themelimit të saj.

Kjo konferencë do të bashkojë në kryeqytetin tonë më shumë se 20 agjenci botërore të lajmeve nga e gjithë Evropa dhe Ballkani. Anëtarët e rrjetit më të madh evropian të agjencive të lajmeve EANA (www.newsalliance.org) si dhe atij të Evropës juglindore ABNA SEE (www.abnase.com), rrjete këto ku KosovaPress-i është anëtar, do të jenë të pranishme në këtë aktivitet. 

Drejtori i AP-së: E jashtëzakonshme të shohim arritjet e KosovaPress-it ndër vite • KosovaPress

Enkas për këtë konferencë, nga Kievi vjen edhe Nataliya Kostina, shefe e Departamentit për Marrëdhënieve me Jashtë në Agjencinë Ukrainase të Lajmeve Ukrinform.

Konferenca do të ketë dy panele, ku gazetarët do të kenë mundësi të bëjnë pyetje gjatë dy paneleve dhe gjatë konferencës.

Hovenier: KosovaPress ka shkuar përtej kufijve dhe iu ka mundësuar qasje të informatës së saktë • KosovaPress

Paneli i parë do të fokusohet në sfidat bashkëkohore me të cilat përballen agjencitë e lajmeve dhe mediat në këtë periudhë të ndryshimeve të mëdha globale.

Paneli i parë do të udhëhiqet nga Branka Gabriela Vojvodic nga Agjencia e Lajmeve Kroate HINA dhe përbëhet nga: Alan Marshall nga PA Media Group të Mbretërisë së Bashkuar, Camille Bouissou nga Agjencia Franceze e Lajmeve AFP, Natalia Kostina nga Agjencia Ukrainase e Lajmeve UKRINFORM, Aimilios Perdiakris nga Agjencia Greke e Lajmeve ANA-MPA dhe Rodolfo Cardarelli nga Agjencia Italiane e Lajmeve ANSA.

Ky panel do të shqyrtojë çështje kritike si dezinformimi, përparimet teknologjike, rreziqet e sigurisë për gazetarët dhe qëndrueshmërinë financiare të agjencive të lajmeve në peizazhin e botës bashkëkohore mediatike.

Krasniqi në 25-vjetorin e themelimit të KosovaPress-it: Ky përvjetor po shënohet me shumë marrëveshje ndërkombëtare • KosovaPress

Ndërkaq në pjesën e dytë të konferencës, fjalë rasti do të ketë ministrja e Punëve të Jashtme, Donika Gërvalla dhe drejtoresha e Përgjithshme e Kosovapress-it, Suzana Rakovica.

Në panelin e dytë, folës do te jenë presidenti i Bordit të Prishtina MALL, Fatmir Zymeri, udhëheqësi i Kolegjit UBT Edmond Hajrizi, profesoresha universitare Besa Luzha, Kushtrim Krasniqi nga Komiteti Olimpik i Kosovës dhe Tualant Hodaj nga Federata e Futbollit të Kosovës, të cilët do të paraqesin pikëpamjet rreth mundësisë së krijimit të sinergjive për mbështetje të iniciativave inovative që avancojnë prosperitetin shoqëror.

Konferenca mbahet duke filluar nga ora 10:00, në hotel “Emerald”, Prishtinë.

Lajmi i plotë në sistemin me parapagim.

EANA - The European Alliance of News Agencies (newsalliance.org)