Kryeministri i Kosovës, Albin Kurti, ka uruar Agjencinë e Lajmeve KosovaPress për nder të 25-vjetorit të themelimit.

Në gala-mbrëmjen e KosovaPress-it, me rastin e 25-vjetorit të themelimit, Kurti tha se KosovaPress ka dhënë një kontribut tejet të çmueshëm për nxjerrjen në pah të së vërtetës në kohën e luftës në Kosovë.

Drejtori i AP-së: E jashtëzakonshme të shohim arritjet e KosovaPress-it ndër vite • KosovaPress

Kurti, fjalimin e të cilit e lexoi zëdhënësi i Qeverisë, Përparim Kryeziu, tha se në betejën për informim të drejtë, Agjencia e Lajmeve KosovaPress ka qenë njësiti kryesor i luftës  për çlirimin e Kosovës nga Serbia pushtuese.

Derisa vuri në pah edhe botimin që Instituti i Historisë ka bërë në katër vëllime, ku janë përmbledhur të gjitha lajmet e KosovaPress-it, që nga themelimi më 4 janar deri në ditën e çlirimit të Kosovës. 

Hovenier: KosovaPress ka shkuar përtej kufijve dhe iu ka mundësuar qasje të informatës së saktë • KosovaPress

Në anën tjetër, ai potencoi avancimin e Kosovës në lirinë e shtypit.

Ndryshe, nesër Agjencia e Lajmeve KosovaPress do të jetë nikoqire e konferencës ndërkombëtare "Kufijtë e Lirisë së Fjalës", për nder të 25-vjetorit të themelimit të saj.

Kjo konferencë do të bashkojë në kryeqytetin tonë më shumë se 20 agjenci botërore të lajmeve nga e gjithë Evropa dhe Ballkani. Anëtarët e rrjetit më të madh evropian të agjencive të lajmeve EANA (www.newsalliance.org) si dhe atij të Evropës juglindore ABNA SEE (www.abnase.com), rrjete këto ku KosovaPress-i është anëtar, do të jenë të pranishme në këtë aktivitet. 

Enkas për këtë konferencë, nga Kievi vjen edhe Nataliya Kostina, shefe e Departamentit për Marrëdhënieve me Jashtë në Agjencinë Ukrainase të Lajmeve Ukrinform.

​Nesër mbahet konferenca ndërkombëtare "Kufijtë e lirisë së fjalës" • KosovaPress

Konferenca do të ketë dy panele, ku gazetarët do të kenë mundësi të bëjnë pyetje gjatë dy paneleve dhe gjatë konferencës.

Paneli i parë do të fokusohet në sfidat bashkëkohore me të cilat përballen agjencitë e lajmeve dhe mediat në këtë periudhë të ndryshimeve të mëdha globale.

Paneli i parë do të udhëhiqet nga Branka Gabriela Vojvodic nga Agjencia e Lajmeve Kroate HINA dhe përbëhet nga: Alan Marshall nga PA Media Group të Mbretërisë së Bashkuar, Camille Bouissou nga Agjencia Franceze e Lajmeve AFP, Natalia Kostina nga Agjencia Ukrainase e Lajmeve UKRINFORM, Aimilios Perdiakris nga Agjencia Greke e Lajmeve ANA-MPA dhe Rodolfo Cardarelli nga Agjencia Italiane e Lajmeve ANSA.

Giboi: Nder të kemi KosovaPress-in anëtar të EANA-s • KosovaPress

Ky panel do të shqyrtojë çështje kritike si dezinformimi, përparimet teknologjike, rreziqet e sigurisë për gazetarët dhe qëndrueshmërinë financiare të agjencive të lajmeve në peizazhin e botës bashkëkohore mediatike.

Ndërkaq në pjesën e dytë të konferencës, fjalë rasti do të ketë ministrja e Punëve të Jashtme, Donika Gërvalla dhe drejtoresha e Përgjithshme e Kosovapress-it, Suzana Rakovica.

Një çerekshekulli KosovaPress • KosovaPress

Në panelin e dytë, folës do te jenë presidenti i Bordit të Prishtina MALL, Fatmir Zymeri, udhëheqësi i Kolegjit UBT Edmond Hajrizi, profesoresha universitare Besa Luzha, Kushtrim Krasniqi nga Komiteti Olimpik i Kosovës dhe Tualant Hodaj nga Federata e Futbollit të Kosovës, të cilët do të paraqesin pikëpamjet rreth mundësisë së krijimit të sinergjive për mbështetje të iniciativave inovative që avancojnë prosperitetin shoqëror.

EANA - The European Alliance of News Agencies (newsalliance.org)

Konferenca mbahet duke filluar nga ora 10:00, në hotel “Emerald”, Prishtinë.