Agjencia e Lajmeve KosovaPress ka shkuar përtej kufijve duke iu mundësuar qasje të informatës së saktë të gjithë lexuesve të vet, deklaroi ambasadori amerikan në Prishtinë, Jeffrey Hovenier.

Në 25-vjetorin e themelimit të KosovaPress-it, Hovenier ka thënë se pavarësisht barrierave, kjo agjenci ka arritur të përçojë informacione të sakta tek audienca. Ndërsa ka vlerësuar se KosovaPress ka qenë pionier në ndërtimin e lajmeve.

Krasniqi në 25-vjetorin e themelimit të KosovaPress-it: Ky përvjetor po shënohet me shumë marrëveshje ndërkombëtare • KosovaPress

Ndërsa ka falënderuar Agjencinë e Lajmeve KosovaPress që ka arritur t'i sjellë shumë agjenci të ndryshme në Kosovë, siç tha ai, kjo tregon se bashkëpunimi ndërkombëtar është duke u rritur tutje.

​Nesër mbahet konferenca ndërkombëtare "Kufijtë e lirisë së fjalës" • KosovaPress

Po ashtu ai ka theksuar, se do jenë gjithmonë partnerët në adresimin e sfidave qe ballafaqohen mediat.

Ndërsa shton se Agjencia e Lajmeve KosovaPress në këtë drejtim do të vazhdojë me arritje edhe për mbi 250 vjetët e ardhshëm.

Giboi: Nder të kemi KosovaPress-in anëtar të EANA-s • KosovaPress

Ndryshe, nesër Agjencia e Lajmeve KosovaPress do të jetë nikoqire e konferencës ndërkombëtare "Kufijtë e Lirisë së Fjalës", për nder të 25-vjetorit të themelimit të saj.

Kjo konferencë do të bashkojë në kryeqytetin tonë më shumë se 20 agjenci botërore të lajmeve nga e gjithë Evropa dhe Ballkani. Anëtarët e rrjetit më të madh evropian të agjencive të lajmeve EANA (www.newsalliance.org) si dhe atij të Evropës juglindore ABNA SEE (www.abnase.com), rrjete këto ku KosovaPress-i është anëtar, do të jenë të pranishme në këtë aktivitet. 

Enkas për këtë konferencë, nga Kievi vjen edhe Nataliya Kostina, shefe e Departamentit për Marrëdhënieve me Jashtë në Agjencinë Ukrainase të Lajmeve Ukrinform.

Konferenca do të ketë dy panele, ku gazetarët do të kenë mundësi të bëjnë pyetje gjatë dy paneleve dhe gjatë konferencës.

Paneli i parë do të fokusohet në sfidat bashkëkohore me të cilat përballen agjencitë e lajmeve dhe mediat në këtë periudhë të ndryshimeve të mëdha globale.

Paneli i parë do të udhëhiqet nga Branka Gabriela Vojvodic nga Agjencia e Lajmeve Kroate HINA dhe përbëhet nga: Alan Marshall nga PA Media Group të Mbretërisë së Bashkuar, Camille Bouissou nga Agjencia Franceze e Lajmeve AFP, Natalia Kostina nga Agjencia Ukrainase e Lajmeve UKRINFORM, Aimilios Perdiakris nga Agjencia Greke e Lajmeve ANA-MPA dhe Rodolfo Cardarelli nga Agjencia Italiane e Lajmeve ANSA.

Ky panel do të shqyrtojë çështje kritike si dezinformimi, përparimet teknologjike, rreziqet e sigurisë për gazetarët dhe qëndrueshmërinë financiare të agjencive të lajmeve në peizazhin e botës bashkëkohore mediatike.

Ndërkaq në pjesën e dytë të konferencës, fjalë rasti do të ketë ministrja e Punëve të Jashtme, Donika Gërvalla dhe drejtoresha e Përgjithshme e Kosovapress-it, Suzana Rakovica.

Në panelin e dytë, folës do te jenë presidenti i Bordit të Prishtina MALL, Fatmir Zymeri, udhëheqësi i Kolegjit UBT Edmond Hajrizi, profesoresha universitare Besa Luzha, Kushtrim Krasniqi nga Komiteti Olimpik i Kosovës dhe Tualant Hodaj nga Federata e Futbollit të Kosovës, të cilët do të paraqesin pikëpamjet rreth mundësisë së krijimit të sinergjive për mbështetje të iniciativave inovative që avancojnë prosperitetin shoqëror.

Konferenca mbahet duke filluar nga ora 10:00, në hotel “Emerald”, Prishtinë.

EANA - The European Alliance of News Agencies (newsalliance.org)

Lajmi i plotë në sistemin me parapagim.