Deputeti i Lëvizjes Vetëvendosje, Fatos Geci, në seancën e jashtëzakonshme të Kuvendit  të Kosoëvs për energjinë elektrike, tha se  PDK-ja është fajtor kryesor, duke shtuar se kjo parti nuk ka të drejtë të flasë për energjinë.

Ndërsa, ai PDK-së iu drejtua që “lideri suprem”, duke aluduar në Hashim Thaçin, do ta ketë të njëjtn fat si të Naim Murselit.

“Sot dua të përshëndes vendimin e Gjykatës për burgim të përjetshëm ndaj Naim Mureselit dhe ju që shpresoni që një ditë lideri juaj suprem do të lirohet, do të përcjellë i njëjti fat”, tha Geci.

Ndërhyri kryetarja e Kuvendit Albulena Haxhiu,  duke i thënë: ndërlidhu në çështjen që është thirrë kjo seancë.

“Po edhe po të lirohet nuk ka kurfarë kredibiliteti përballë figurës së kryeministrit Kurti”, vazhdoi deputeti Geci.

/Kosovapress/