Federata e Futbollit të Senegalit (FSF) ka depozituar zyrtarisht një ankesë në Gjykatën e Arbitrazhit Sportiv (CAS) kundër vendimit të fundit të Konfederatës Afrikane (CAF) për t'ua hequr titullin e kampionit.

Ky vendim erdhi pasi rezultati i finales kundër Marokut u përmbys në tavolinë (3-0 për Marokun), me arsyetimin se lojtarët e Senegalit braktisën fushën në shenjë proteste ndaj një penalltie të akorduar.

Tashmë, Senegali kërkon që CAS-i të shfuqizojë këtë vendim dhe t'i shpallë ata fitues legjitimë të Kupës së Afrikës. Avokatët e federatës senegaleze do të mbajnë një konferencë për media këtë të enjte në Paris për të sqaruar hapat e mëtutjeshëm ligjorë.