Saka: Nuk kam parë kurrë asgjë të tillë
5-Fifth
Lexohet për: 2 min.
Dëgjoje me zë...
Saka: Nuk kam parë kurrë asgjë të tillë
Arsenali ka siguruar biletën për në finalen e UEFA Champions League pas një fitoreje dramatike 1:0 ndaj Atlético Madridit, e vulosur nga goli i Bukayo Sakas në minutën e 44-të.
Pas ndeshjes, heroit të mbrëmjes i u kërkua një prononcim për Amazon Prime, ku ai u shpreh me emocione të mëdha për arritjen:
"Po më largoni nga festimet, njeri. Është shumë e bukur, ju mund të shihni se çfarë do të thotë për mua dhe çfarë do të thotë për tifozët".
Saka vlerësoi lart përkrahjen e publikut londinez, duke theksuar se nuk kishte përjetuar kurrë diçka të tillë më parë:
"Nuk kam parë kurrë asgjë të tillë. Ata na shtynë dhe na dhanë këtë moment në fund".
Lidhur me presionin e madh që shoqëron këto përballje, sulmuesi shtoi:
"Është më lehtë të thuhet sesa të bëhet. Është një lojë me presion të lartë që do të thotë shumë për të dyja palët. Nuk kishte asnjë mënyrë që të vinim në këtë pozicion dhe të mos kishim presion, prandaj na u desh ta bllokonim atë. Ne e kryem punën".
Në mbyllje të fjalës së tij, Saka u shpreh optimist për finalen që i pret: "Është një histori e bukur dhe shpresoj që të përfundojë mirë".
Me këtë fitore, skuadra e Mikel Artetës mbyll një pritje të gjatë për t'u rikthyer në skenën më të madhe të futbollit evropian.
KosovaPress
