Disa minuta pasi vendi shkoi në zgjedhje në pamundësi për të zgjedhur presidentin e vendit, kandidatja për presidente të Kosovës, Feride Rushiti tha se pranoi këtë propozim me bindjen se do të ishte figurë unifikuese.

“Kam pranuar propozimin për kandidate si presidente e vendit me bindjen se jam një figurë, e cila është unifikuese,  përfaqëson shoqërinë civile dhe mund ta ndihmojë vendin ta tejkaloj ngërçin aktual politik  dhe njëkohëisisht ta ngris dialogun në mes partive politike....duke menduar se dalja imë në skenë paraqet një figurë unifikuese një figurë, e cila me historinë e saj ka kontribuar në kauza të cilat i kanë kontribuar vendit. Pas diskutimit të gjatë me kryeminsitrin e kam marr këtë përgjegjësi me bindje të plotë se do të jëm një nga kandidatët e cila është kërkuar jo vetëm nga qeverisja Kurti, por edhe nga partitë opozitare të jem person plotësisht i pavarur, jopolitik, jo partiak dhe nga shoqëria civile”, tha ajo.