Sot zhvillohen ndeshjet e ditës së dytë në kuadër të turneut “Rugby Europe Sevens Conference 2 – Kosovo 2026”, i cili po mbahet në stadiumin “Demush Mavraj” në Istog, ku ekipet do të luftojnë për pozicionet finale dhe trofeun e kampionit.

Pas një dite të parë shumë dinamike, katër skuadra kanë siguruar vendin në gjysmëfinale: Gjibraltari, Sllovakia, Estonia dhe San Marino. Këto ekipe do të përballen sot për të siguruar një vend në finalen e madhe dhe për të synuar titullin kampion.

Ndërkohë, skuadrat e tjera do të zhvillojnë ndeshjet renditëse për vendet pesë deri në tetë. Mali i Zi, Greqia, Kosova dhe Bosnja dhe Hercegovina do të garojnë për të përmirësuar pozicionin e tyre në renditjen përfundimtare.

 Ndeshjet e ditës së dytë fillojnë nga ora 11:00 dhe pritet të sjellin emocione të forta, rivalitet dhe spektakël sportiv.

Vëmendje e veçantë i kushtohet ekipit të Kosovës, i cili vazhdon garën dhe do të kërkojë rezultat pozitiv në ndeshjen që nis në ora 11:22.

Mbetet të shihet se cila skuadër do të arrijë të ngrejë trofeun në fund të këtij turneu të rëndësishëm ndërkombëtar.

KosovaPress