Qeveria e Kosovës ka zhvilluar sot një mbledhje elektronike, ndonëse në kohën kur Zyra e Kryeministrit dha njoftimin, kryeministri Albin Kurti po mbante një fjalim të gjatë në seancën e jashtëzakonshme lidhur me çështjen e presidentit.

Sipas njoftimit të publikuar në media në orën 18:53, ekzekutivi ka miratuar vendimin për zgjerimin e listës së mallrave në Aneksin A të Ligjit Nr. 03/L-220, që lidhet me ndryshimin dhe plotësimin e Ligjit për Tatimin e Normës së Akcizës në Kosovë.

Në këtë mbledhje është miratuar në parim edhe nisma për Amendamentin Nr. 2 të Marrëveshjes Financiare ndërmjet Republikës së Kosovës dhe Bashkimit Evropian për programin IPA 2019, pjesa e parë.