Mbrëmja e sotme në Ligën e Kampionëve ka prodhuar emocione të forta dhe verdikte të mëdha, ku PSG dhe Atletico Madrid kanë prerë biletat për në fazën gjysmëfinale.

Në "Anfield", PSG ka dhënë një mësim fuqie duke mposhtur Liverpoolin me rezultatin e pastër 0-2 (0-4 rezultati i përgjithshëm), falë një dopiete spektakolare të Ousmane Dembele në pjesën e dytë. Ndonëse "Reds" tentuan gjithçka, pritjet heroike të portierit Safonov dhe anulimi i një penalltie nga sistemi VAR shuan çdo shpresë të anglezëve për përmbysje.

Ndërkohë, në "Metropolitano" u zhvillua një betejë dramatike deri në sekondat e fundit, ku Barcelona fitoi 1-2 ndaj Atletico Madridit, por ky triumf nuk i mjaftoi për të evituar eliminimin (3-2 rezultati i përgjithshëm). Katalanasit e nisën furishëm me golat e Yamal dhe Ferran Torres, por goli i Ademola Lookman dhe kartoni i kuq i Eric Garcias pas rishikimit me VAR në pjesën e dytë, ia vështirësuan misionin skuadrës së Hansi Flick. Pavarësisht presionit final, ekipi i Diego Simeones arriti të menaxhonte epërsinë e ndeshjes së parë, duke lënë jashtë Evrope gjigantët spanjollë.

KosovaPress