Përplasje dhe tensione mes protestuesve dhe policisë paraditen e sotme (e enjte) përpara Parlamentit teksa deputetët do të mblidhen në seancën e radhës parlamentare.

Disa pre protestuesve kanë goditur me vezë deputetët, çka ka bërë që policia të reagojë duke i shoqëruar në komisariat.

Në të njëjtën kohë disa protestues çanë gardhin metalik dhe tentuan të hyjnë brenda Parlamentit, gjë që bëri që Policia të përdorte edhe spray lotsjellës.

Një pjesë e protestuesve janë nisur drejt komisariat nr.1 në Tiranë, pas shoqërimit nga policia mëngjesin e sotëm të disa prej tyre.

Ata shihen teksa mbajnë në duar bikerina vezësh e duke marshuar drejt komisariatit, shkruan TCh.

Ndërkohë një pjesë tjetër e tubuesve vijojnë të qëndrojnë jashtë ambienteve të Kuvendit.