Prishtina shpall gjendje të jashtëzakonshme për mbeturina, fajëson opozitën në kryeqytet
Lajme
Lexohet për: 2 min.
2 orë më parë
Linku u kopjua
Komuna e Prishtinës ka shpall gjendje të jashtëzakonshme për menaxhimin e mbeturinave në kryeqytet. Sipas kryetarit të Prishtinës, Përparim Rama deri te kjo situatë ka ardhur, pasi koalicioni PDK-Lëvizja Vetëvendosje përmes plotësim-ndryshimit të rregullores po tentojnë ta pengojë angazhimin e kompanive private në menaxhim të mbeturinave.
Rama tha se me veprimet që kishin ndërmarrë përmes angazhimit të një kompanie private për mbeturinat situata ishte përmirësuar.
Kryetari i kryeqytetit u shpreh se përkeqësimi me menaxhim të mbeturinave ka filluar dhe po vazhdon në të gjitha pjesës e Prishtinës.
Ai tha se do ta shfrytëzojnë gjendjen emergjente për angazhim të operatorëve ekonomik privat.
Drejtori i Shërbimeve Publike në komunën e Prishtinës, Bekim Brestovci u shpreh se veprimet e partive opozitare PDK dhe Lëvizje Vetëvendosje bien ndesh me ligjet e Kosovës.
Drejtori i Shërbimeve Publike paralajmëroi se do të vazhdojë përkeqësimi i situatës me mbeturina, por theksoi se do të ndërmarrin të gjitha veprimet.
Brestovci u shpreh se kompania “Pastrimi” në mungesë të logjistikës nuk ka shpërndarë as 250 kontejnerët e rinj dhe as nuk e ka bërë regjistrimin e kamionëve të rinj.
