Policia: Të shtënat me armë në gazmende familjare nuk tolerohen
Lajme
Lexohet për: 1 min.
Dëgjoje me zë...
Policia: Të shtënat me armë në gazmende familjare nuk tolerohen
Policia e Kosovës ka sekuestruar katër armë zjarri gjatë javës së fundit në rajonin e Prizrenit, në kuadër të disa operacioneve të ndara që synonin parandalimin e incidenteve dhe rritjen e sigurisë publike.
Sipas Policisë, në katër raste të ndryshme të regjistruara në Prizren dhe Suharekë janë konfiskuar tri pistoleta dhe një armë automatike AK-47. Në dy prej rasteve, armët janë zbuluar pas informacioneve të pranuara nga qytetarë anonimë, të cilët kishin raportuar për të shtëna me armë gjatë gazmendeve familjare.
Në tre nga katër rastet, të dyshuarit janë ndaluar për 48 orë me vendim të prokurorit, ndërsa ndaj tyre janë iniciuar procedura penale për veprat "Mbajtje, kontroll apo posedim i paautorizuar i armës" dhe "Shkaktim i rrezikut të përgjithshëm".
Policia e Kosovës ka ritheksuar se mbetet e përkushtuar në luftimin e armëmbajtjes pa leje dhe u ka bërë thirrje qytetarëve që të mos përdorin armë në ahengje familjare apo ngjarje të tjera festive, duke raportuar çdo rast që rrezikon sigurinë publike.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
