Presidentja e vendit Vjosa Osmani ia ka zgjatur dorën kryeministrit Albin Kurti dhe janë parë duke biseduar sonte pas shumë kohësh në pritjen solemne për Krishtlindje të organizuar nga Katedralja Shën Nënë Tereza në Prishtinë, raporton KosovaPress.

Ka kohë që Osmani dhe Kurti nuk janë parë kaq afër njëri tjetrit pas akuzave që e para e vendit i ka bërë në drejtim të Kurtit lidhur me raportet me aleatët ndërkombëtar.

E fundit, që ata kanë qëndruar në një tavolinë por nuk kanë biseduar ka qenë një organizim nga Komitetit Olimpik i Kosovës.

Gara Lëvizjes Vetëvendosje për zgjedhjet e 9 shkurtit në një listë të përbashkët me Listën Guxo, ishte pa pëlqimin e Osmanit.

Nga koordinimi me aleatët e deri tek Asociacioni, presidentja Vjosa Osmani kishte pasur një sërë kritikash për kryeministrin Albin Kurti gjatë fjalimit vjetor përpara deputetëve të Kuvendit të Kosovës.

Po ashtu Osmani pati thënë se “Aleancat janë këtu për të na mbrojtur, prandaj vënia në rrezik e tyre, luajtja bixhoz me to, apo cenimi i tyre e cenon vet mbrojtën e republikës sonë”.

https://kosovapress.com/osmani-asnjehere-nuk-i-kam-mirekuptuar-talljet-qe-behen-ne-llogari-te-aleateve-tane

https://kosovapress.com/me-kast-mjeshter-i-mashtrimeve-osmani-komenton-raportet-me-kurtin-e-gervallen

https://kosovapress.com/interesi-shteteror-osmani-flet-per-raportet-me-kurtin