Presidentja e Kosovës, Vjosa Osmani ka thënë se deri në shpërndarjen e Kuvendit të Kosovës e kanë sjellë vendin, siç tha ajo, “njerëz me qëllime të rrezikshme”, raporton KosovaPress.

Përpjekjet e mbrëmshme të Lëvizjes Vetëvendosje për të zgjedhur një president të ri i ka konsideroi “shumë mirë të kalkuluara dhe të ideuara”.

Gjatë konferencës të së premtes për medie, Osmani tha se Kushtetuta e Kosovës është mbi kalkulime partiake dhe mbi interesat e momentit.

“Në një Republikë Kushtutese ka diçka është që është mbi kalkulimet partiake dhe mbi interesat e momentit, Kushtetuta e Republikës së Kosovës. Kushtetuta nuk është tekst ceremonial  është kontrata jonë e përbashkët si shtet, është kufiri që politika nuk mund të kalojë dhe që busulla që institucionet nuk mund të humbasin. Mbrëmë përpjekjet për zgjedhjen e një president të ri dështuan, ky dështim nuk ishte as rastësor, as i pamenduar, por përkundrazi shumë mirë i kalkuluar dhe ideuar, për fat të keq”, tha ajo.

Presidentja e Kosovës, Vjosa Osmani ka nxjerr dekretin për shpërndarjen e Kuvendit të Kosovës dhe këtë e bëri të ditur në konferencën për medie ku iu drejtua popullit, ndërkohë që nuk pranoi pyetje nga gazetarët. Megjithatë, tha se këtyre të fundit, do të mund të ju përgjigjet pasdite.

/Kosovapress/