Një i arrestuar për krime lufte ndaj civilëve në Matiçan të Prishtinës
Dëgjoje me zë...
Një i arrestuar për krime lufte ndaj civilëve në Matiçan të Prishtinës
Një person me inicialet Z.S. është arrestuar nga hetuesit policorë, nën dyshimin për kryerjen e krimeve kundër popullsisë civile gjatë luftës në Kosovë.
“Hetuesit policorë nga Drejtoria për Hetimin e Krimeve të Luftës, me urdhër të Prokurorisë Speciale të Republikës së Kosovës, kanë arrestuar Z.S., nën dyshimin për kryerjen e veprës penale “krime lufte kundër popullsisë civile””, thanë Prokuroria Speciale dhe Policia në një komunikatë të përbashkët për media.
Sipas komunikatës, “i pandehuri Z.S., si pjesë e një grupi paramilitar të forcave serbe, dyshohet se ka kryer krime lufte në fshatin Matiçan, Komuna e Prishtinës gjatë periudhës kohore 1998-1999”.
“Brenda afatit ligjor, sipas Kodit te Procedurës Penale, Prokuroria Speciale do të paraqesë në Gjykatën Themelore te Prishtinës, Departamenti Special kërkesën për paraburgim”, thuhet në komunikatë.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
