FC Drita ka shkruar histori duke u shpallur zyrtarisht Kampione e Albi Mall Superligës së Kosovës për edicionin 2025/26.

Triumfi i skuadrës gjilanase vjen kur ka mbetur edhe një xhiro deri në fund të kampionatit, pasi matematika i dha fund çdo dileme.

Megjithatë, festa nuk ishte e plotë pa një dozë drame në derbin e sotëm të Anamoravës, ku Gjilani doli fitues me rezultat 0-2.

Pavarësisht humbjes në fushë, në momentin e shpalljes së përfundimit të ndeshjeve, nisin festimet e lojtarëve, stafit dhe tifozëve të Dritës.

Stadiumi u shndërrua në një arenë feste, me ngritjen e trofeut kampion nga kapiteni i skuadrës dhe thirrjet e përzemërta të tifozëve.

Ky titull është një dëshmi e punës së palodhshme, përkushtimit dhe talentit të FC Drita gjatë gjithë sezonit, duke i bërë ata kampionë të padiskutueshëm të futbollit kosovar.

Festimet pritet të vazhdojnë deri në xhiron e fundit dhe më gjerë, me qytetin e Gjilanit që po mbushet me ngjyrat bardhë e kaltër në nderim të kampionëve të tyre të rinj.

KosovaPress