Ylli i Brazilit, Neymar, nuk do të luajë dhe as nuk do të udhëtojë me skuadrën drejt Filadelfias për ndeshjen e dytë të Grupit C kundër Haitit, ka konfirmuar Federata Braziliane e Futbollit (CBF).

Sulmuesi 34-vjeçar do të qëndrojë në Nju Xhersi për të vazhduar fazën përfundimtare të rikuperimit nga lëndimi i pulpës së këmbës së djathtë, i cili e mban jashtë fushave prej një muaji.

Sipas mediave braziliane, plani është që Neymar të lihet pushim edhe për ndeshjen e fundit të grupit kundër Skocisë, me synimin që ai të jetë plotësisht i gatshëm për fazën e eliminimit direkt të Kampionatit Botëror.