Problemi kryesor i këtij turneu është klima jashtëzakonisht e nxehtë që po mbretëron në Amerikën e Veriut.

Për të mbrojtur lojtarët nga nxehtësia ekstreme, FIFA ka vendosur që ndërprerjet për pije (drinks breaks) prej tre minutash të jenë rreptësisht të detyrueshme në mes të çdo pjese, pavarësisht motit.

Kjo do të thotë se ndeshjet do të zgjasin të paktën gjashtë minuta më shumë. Gjithashtu, për shkak të stuhive të shpeshta verore në SHBA, ndeshjet do të ndërpriten menjëherë për të paktën 30 minuta nëse detektohen rrufe brenda një rrezeje prej 13 kilometrash nga stadiumi.

Përveç klimës, rregullat e reja përfshijnë:

• Lufta ndaj vonesave: Lojtarët kanë vetëm 5 sekonda kohë për të kryer autin ose goditjen e dënimit (në të kundërt posedimi i kalon kundërshtarit), dhe vetëm 10 sekonda për të lëshuar fushën gjatë zëvendësimeve.
• Kartonë të kuq të rinj: Futbollistët do të ndëshkohen me të kuq nëse mbulojnë gojën me fanellë kur flasin me referin/kundërshtarin, ose nëse braktisin fushën në shenjë proteste.
• Teknologji e lartë: VAR-i do të rishikojë edhe kartonët e verdhë në raste gabimesh, ndërsa çipi brenda topit dhe Inteligjenca Artificiale do të krijojnë avatarë 3D për të përcaktuar saktë pozicionet jashtë loje. Referët po ashtu do të mbajnë mikro-kamera në kokë.
• Ndryshime tjera: Ndeshja direkte do të jetë kriteri i parë kur skuadrat kanë pikë të barabarta (dhe jo golaverazhi), ndërsa në ceremoninë e himneve do të rreshtohet i gjithë ekipi, përfshirë edhe zëvendësuesit.

Botërori 2026 po shndërrohet në një nga turnetë më sfidues dhe më teknologjikë në histori. Përballë temperaturave ekstreme dhe stuhive të Amerikës së Veriut, shëndeti i lojtarëve është vendosur në plan të parë përmes pauzave të detyrueshme dhe rregullave strikte të sigurisë.

KosovaPress