Argjentina ka arritur një fitore të pastër 2-0 ndaj Austrisë në një ndeshje të dominuar plotësisht prej saj.

Takimi nisi me mjaft dinamikë që në minutat e para kur, pas ndërhyrjes së sistemit VAR për një ndërhyrje ndaj Lautaro Martinez, Argjentinës iu akordua një penallti të cilën Lionel Messi nuk arriti ta konvertonte në gol.

Megjithatë, kapiteni argjentinas u shpagua në minutën e 38-të duke shënuar një gol të jashtëzakonshëm nga skaji i zonës pas asistit të Facundo Medinas. Ky realizim rezultoi monumental, pasi e shndërron zyrtarisht Lionel Messin në golashënuesin më i mirë i të gjitha kohërave në historinë e Botërorit.

Austria u përpoq të reagonte rrezikshëm me anë të një goditjeje dënimi nga Marcel Sabitzer, por portieri Emiliano Martinez u tregua vendimtar me një pritje fantastike.

Dominimi i Argjentinës u vulos përfundimisht në minutat shtesë të ndeshjes (90+5'), kur Messi u tregua sërish i saktë duke shfrytëzuar një top të kthyer brenda zonës për të shënuar golin e dytë personal dhe të qetësisë për ekipin e tij. Ndeshja u mbyll me shifrat 2-0, duke kurorëzuar një mbrëmje legjendare për futbollin botëror.

KosovaPress