Sulmuesi kosovar, Vedat Muriqi, po vazhdon të shkëlqejë në Spanjë, duke u shpërblyer tashmë edhe nga EA Sports FC për performancën e tij të jashtëzakonshme.

"Pirati" është përfshirë zyrtarisht në "Ekipin e Javës" (Team of the Week) në lojën e njohur FC26, duke marrë një kartë speciale me vlerësimin 87.

Kjo kartë e veçantë thekson aftësitë dominuese të Muriqit në lojën ajrore dhe instinktin e tij vrasës para portës, atribute që i kanë siguruar atij një vend meritor në mesin e më të mirëve të La Ligës për këtë periudhë.

Rasti më i fundit i Vedat Muriqit kundër Real Madridit ishte me datë 4 prill 2026, në kuadër të xhiros së 30-të të La Ligës. Pas golit, sulmuesi kosovar u pa i përlotur në fushë, duke shpjeguar më vonë se suksesi erdhi pas një periudhe të vështirë emocionale dhe eliminimit të Kosovës nga play-off-i i Botërorit.

Ky vlerësim vjen si konfirmim i formës së lartë që sulmuesi i Kosovës po tregon me fanellën e RCD Mallorca-s, duke vazhduar ta bëjë krenar vendin me paraqitjet e tij në arenën ndërkombëtare.

KosovaPress