Përfundon 45 minutëshi i parë në "Fadil Vokrri" me barazim 1-1 mes Dritës dhe Kauno Zalgiris në ndeshjen e kthimit të rrethit të parë kualifikues të Champions League.

Mysafirët nga Lituania kaluan të parët në epërsi përmes Vykintas Slivka në minutën e 9-të, por kampionia e Kosovës reagoi shpejt. 

Igball Jashari barazoi shifrat në minutën e 20-të, duke rikthyer qetësinë në tribuna.

Pas 45 minutave lojë, gjithçka mbetet e hapur. Me rezultatin e përgjithshëm 2-2, fituesi do të vendoset në pjesën e dytë. 

Drita kërkon golin e kualifikimit para tifozëve të saj për të vazhduar në raundin e dytë të garës më të madhe evropiane.

Skuadra e Zekirija Ramadanit pati disa raste të mira në fundin e pjesës së parë, por portieri mysafir ishte në vend.

KosovaPress