Mbyllet pjesa e parë me Çekinë në epërsi ndaj Afrikës së Jugut
Sport
Lexohet për: 1 min.
Dëgjoje me zë...
Mbyllet pjesa e parë me Çekinë në epërsi ndaj Afrikës së Jugut
Ka përfunduar pjesa e parë e ndeshjes së Grupit A në Kampionatin Botëror, ku Çekia po udhëheq me rezultat 1-0 ndaj Afrikës së Jugut.
Çekët e nisën takimin në mënyrë furishme që në minutën e parë, kur Patrik Schick shpërdoroi një rast të artë shënimi me kokë. Megjithatë, epërsia nuk vonoi dhe në minutën e 6-të, Michal Sadilek u gjend bukur në zonë pas asistimit të Alexandr Sojka-s, duke dërguar topin në rrjetë për 1-0.
Në krahun tjetër, Afrika e Jugut u tregua mjaft agresive në përpjekje për të reaguar, gjë që u kushtoi me ndëshkime.
Gjyqtarja Tori Penso shpërndau dy kartonë të verdhë për futbollistët afrikano-jugorë: fillimisht për Teboho Mokoena në minutën e 33-të dhe më pas për Thalente Mbatha në minutën e 40-të, pas disa ndërhyrjeve mjaft të ashpra.
Pjesa e parë u mbyll me dominimin e çekëve, ndërsa mbetet të shihet reagimi i "Bafana Bafana" në pjesën e dytë.
KosovaPress
