Franca ka siguruar një vend në gjysmëfinalen e Kupës së Botës 2026, pasi mposhti Marokun me rezultat 2:0, por kapiteni Kylian Mbappe ka bërë të qartë se “Les Bleus” nuk kanë ndërmend të festojnë para kohe.

Sulmuesi francez theksoi se skuadra e Didier Deschamps mbetet e përqendruar te objektivi kryesor, fitimi i trofeut, dhe se kualifikimi në gjysmëfinale është vetëm një hap në rrugëtimin e tyre.

“Ka ende shumë rrugë për të bërë. Sigurisht që jemi të lumtur që fituam dhe u kualifikuam, por ende nuk kemi arritur objektivin tonë. Nuk duhet të humbasim fokusin”, deklaroi Mbappe pas ndeshjes.

Franca dominoi përballjen ndaj Marokut dhe fitoi 2:0 falë golave të Mbappes dhe Ousmane Dembeles, duke siguruar për herë të tretë radhazi një vend në gjysmëfinalen e Kupës së Botës. Mbappe realizoi golin e tij të tetë në këtë edicion të turneut, duke u ngjitur në krye të listës së golashënuesve dhe duke konfirmuar edhe një herë rolin e tij vendimtar në suksesin e kampionëve të botës.

Në gjysmëfinale, Franca do të përballet me fituesin e çerekfinales mes Spanjës dhe Belgjikës, ndërsa synon të arrijë finalen e tretë radhazi në Kupën e Botës.

KosovaPress