Kylian Mbappé nuk po shkëlqen vetëm me paraqitjet e tij në fushën e lojës, por edhe me angazhimin jashtë saj.

Sulmuesi francez, që nga viti 2017, ka vendosur të dhurojë çdo pagesë dhe bonus që ka fituar me fanellën e Kombëtares së Francës.

Pas triumfit në Kupën e Botës 2018, Mbappé nuk e mbajti për vete bonusin prej rreth 350 mijë eurosh, por e dhuroi tërësisht për një organizatë bamirësie që ndihmon fëmijët.

Përveç donacioneve të vazhdueshme, ylli francez ka krijuar edhe fondacionin e tij “Inspired by KM”, i cili mbështet të rinjtë dhe i ndihmon ata në zhvillimin profesional.

“Nuk kisha nevojë të paguhesha. Isha aty për të mbrojtur ngjyrat e vendit tim. Mendoj se është e rëndësishme të ndihmosh ata që kanë nevojë”, ka thënë Mbappé.

Me veprimet e tij, kapiteni i Francës po dëshmon se ndikimi i një sportisti mund të shkojë shumë përtej rezultateve në fushë

KosovaPress