Kapiteni i Francës, Kylian Mbappé, ka reaguar me tone të forta ndaj senatorës paraguaiane Celeste Amarilla, e cila e sulmoi me komente raciste pas eliminimit të Paraguait nga Kupa e Botës.

Senatorja paraguaiane Celeste Amarilla publikoi një seri komentesh raciste në rrjetin social X, ku e quajti Mbappén "kamerunas të kolonizuar që përpiqet të paraqitet si francez", e ofendoi duke e quajtur "brut" dhe pretendoi se ai "nuk ka mësuar të shkruajë".

Ajo madje shtoi se futbollistët e Paraguait "duhej ta kishin goditur me shuplakë pas ndeshjes".

Sulmuesi francez, që shënoi golin e fitores 1-0 me penallti ndaj Paraguait, e quajti Amarillën një "grua të neveritshme dhe të padenjë për postin që mban", duke shtuar se ajo "nuk përfaqëson Paraguain" dhe se "nuk do t'i lejojë kurrë njerëz si ajo të përhapin urrejtje dhe racizëm nëpër botë."

Federata Franceze e Futbollit njoftoi se do të ngrejë padi penale ndaj senatorës, duke i cilësuar deklaratat e saj si "tërësisht të neveritshme dhe të papranueshme".

Edhe qeveria e Paraguait u distancua nga komentet e Amarillës, ndërsa presidenti francez Emmanuel Macron i doli në mbështetje Mbappés me mesazhin: "Një tjetër gol për Kylian Mbappé. Këtë herë kundër racizmit. E gjithë mbështetja ime."

KosovaPress