Legjenda e tenisit botëror, Serena Williams, do të bëjë një rikthim të jashtëzakonshëm në tenis në moshën 44-vjeçare.

23 herë kampionia e Grand Slam-eve ka pranuar një ftesë (wildcard) për të marrë pjesë në turneun e dysheve (doubles) në fushën me bar në "Queen's Club" të Londrës këtë muaj.

Williams, e cila nuk ka luajtur asnjë ndeshje zyrtare që nga shtatori i vitit 2022 kur u përshëndet me tenisin profesional në "US Open", u shpreh mjaft e emocionuar për këtë kapitull të ri:

"‘Queen's Club’ më duket si vendi i përsosur për të filluar këtë kapitull të radhës. Bari më ka falur disa nga momentet më domethënëse të karrierës sime dhe jam e rritur që po kthehem të garoj në një nga skenat më ikonike të këtij sporti."

Zërat për rikthimin e saj kishin nisur që vitin e kaluar kur ajo u fut sërish në pishinën e testeve anti-doping.

Për më tepër, ish-trajneri i saj, Rick Macci, kishte paralajmëruar se Serena po stërvitej maksimalisht për t'u rikthyer në sportin që e dominoi për dy dekada bashkë me motrën e saj, Venus Williams.turneu do të zhvillohet përgjatë këtij muaji në Londër.

KosovaPress