Kryetari i Lidhjes Demokratike të Kosovës, Lumir Abdixhiku ka nënshkruar sot marrëveshje parazgjedhore me Partinë e Drejtësisë në krye me Ferid Aganin dhe Ballin Kombëtar të Alban Hotit, për të garuar së bashku në zgjedhjet e 7 qershorit.

Sipas LDK-së, ky bashkëpunim përfaqëson një bashkim vlerash, përgjegjësie politike dhe vizion të përbashkët për një Kosovë më të zhvilluar.

Përveç koalicionit, LDK e ka rikthyer në listë ish-presidenten Vjosa Osmani, si kandidate për presidente dhe si bartëse të listës së kandidatëve për deputetë të kësaj partie. Kurse, kryetari i LDK-së, Lumir Abdixhiku, do të jetë kandidat për kryeministër.