Ligji për Mbrojtjen e Fëmijës nuk po gjen zbatim sa duhet dhe pandemia ndikoi që të pamundësohet një gjë e tillë.

Kështu u tha në lansimin e programit për zbatimit të këtij ligji, ku u vlerësua si set edukativ i munguar në fushën e mbrojtjes së fëmijëve. Veç tjerash, u bë e ditur se ky program ka për qëllim fuqizimin e kapaciteteve të profesionistëve për mbrojtjen e fëmijës në nivel komunal dhe qendror, si dhe për zbatimin e Ligjit për Mbrojtjen e fëmijës.

Drejtori i Zyrës për Qeverisje të Mirë, Habit Hajredini deklaroi se ky program është dokument me rëndësi dhe punë e përbashkët mes institucioneve dhe shoqërisë civile.

Drejtoresha e Koalicionit të Organizatave Joqeveritare për Mbrojtjen e Fëmijëve (KOMF), Donjeta Kelmendi deklaroi se pandemia pamundësoi zbatimin e Ligjit për Mbrojtjen e Fëmijës.

Kelmendi shtoi se vitin e kaluar janë mbajtur punëtori e takime në të gjitha komunat e Kosovës me përfaqësues të institucioneve nga fusha e arsimit, shërbimeve sociale, shëndetësisë, policisë, gjyqësorit e prokurorisë.

Nënkryetarja e Komisionit për të Drejtat e Njeriut, Albana Bytyqi theksoi se Ligji për Mbrojtjen e Fëmijëve nuk po gjen zbatim sa duhet.

Specialisti i politikave sociale dhe familjare nga UNICEF, Dren Rexha theksoi se pasojat e shkeljes së mbrojtjes së fëmijëve janë katastrofike.

Ligji për Mbrojtjen e Fëmijëve ka hyrë në fuqi në vitin 2020 dhe ka për qëllim të sigurojë përgjegjësitë e të gjitha hallkave të shoqërisë për kujdesin, mbrojtjen dhe zhvillimin e fëmijëve.  /KosovaPress

Lajmi i plotë në sistemin me parapagim.

KOMF dënon dhunën ndaj 3-vjeçarit në një çerdhe në Fushë Kosovë - KosovaPress