Qendra Kulturore Turke Instituti Yunus Emre në Kosovë organizon dy koncerte të veçanta që do të mbahen në qytetet e Prizrenit dhe Prishtinës, duke sjellë një përzierje unike të muzikës tradicionale të Anadollit dhe tingujve modernë të xhazit.

Detajet e Koncerteve:

• Prizren:
  Data: 23 Dhjetor 2024, e Hënë
  Ora: 19:00
  Vendi: Qendra Sportive “Sezai Surroi” – Hyrja falas!
• Prishtinë:
  Data: 24 Dhjetor 2024, e Martë
  Ora: 19:00
  Vendi: Pallati i Rinisë dhe Sporteve “Salla e Kuqe” Hyrja falas!

Këto ngjarje kulturore sjellin së bashku dy grupe muzikore të jashtëzakonshme. Nga Turqia, grupi “Anadolu’dan Esintiler”, me artistët e njohur si Anıl Şallıel dhe Mareechi Asu, do të interpretojnë muzikën e pasur të Anadollit me një orkestër profesionale prej 12 anëtarësh. Nga Kosova, grupi “Ela & Friends”, i përbërë nga artistë të talentuar vendorë, do të sjellë një performancë të veçantë në stilin etno-xhaz, duke pasuruar këtë mbrëmje kulturore.

Hyrja për këto ngjarje është falas dhe e hapur për të gjithë!

Instituti Yunus Emre, i cili operon në Kosovë që nga viti 2011 në Prizren, Prishtinë dhe Pejë, synon të forcojë lidhjet kulturore dhe artistike mes Turqisë dhe Kosovës përmes aktiviteteve të ndryshme ndërkulturore.