Deputetët e Kuvendit të Kosovës do të mblidhen të premten në seancën e radhës.

Të zgjedhurit e popullit do të shqyrtojnë të premten Projektligjin për Byronë për konfiskimin e pasurisë së pajustifikueshme, si dhe dërgimin e FSK-së në Gaza.

“Ka një pajtim që seanca të ftohet ditën e premte në orën 10:00, pasi sipas rregullores duhet të zbatohet kriteri formal prej dy ditësh për thirrjen e seancës. Në këtë seancë, përveç pikave të rregullta, do të bëhet edhe zgjedhja e dy anëtarëve për Gjykatën Kushtetuese, meqenëse komisioni ad-hoc ka kryer punën dhe komisioni funksional ka kryer raportin. Po ashtu do të shqyrtohet edhe projektligji për Byronë për konfiskimin e pasurisë së pajustifikueshme dhe vendimi i qeverisë për dërgimin e FSK-së në Gaza”, tha ajo. /KosovaPress/