Zëvendëskryeministrja dhe ministrja e Drejtësisë, Donika Gërvalla gjatë vizitës zyrtare në Mbretërinë e Belgjikës, ka nënshkruar sot Marrëveshjen dypalëshe për Ndihmë të Ndërsjellë Juridike në Çështjet Penale me ministren e Drejtësisë së Belgjikës, Annelies Verlinden.

“Marrëveshja mes dy vendeve tona mike pritet ndër të tjera të rrisë ndjeshëm efikasitetin në luftimin e krimit transnacional, dhe njëkohësisht krijon bazën ligjore për themelimin e grupeve të përbashkëta hetimore dhe përfshin dispozita të avancuara për ngrirjen, sekuestrimin dhe konfiskimin e pasurisë, shkëmbimin e provave dhe informatave, si dhe marrjen e dëshmive përmes videokonferencës, në përputhje me praktikat më moderne ndërkombëtare”, tha ministrja Gërvalla.

“Ministrja Gërvalla falënderoi ministren Verlinden për mikpritjen e ngrohtë dhe bisedën konstruktive e frytdhënëse, si dhe për angazhimin e përbashkët drejt thellimit të mëtejmë të bashkëpunimit mes Republikës së Kosovës dhe Mbretërisë së Belgjikës”, thuhet në njoftimin e Ministrisë së Drejtësisë.