Forca e Sigurisë së Kosovës (FSK) ka njoftuar se nga 31 maji deri më 5 qershor 2026 do të zhvillojë ushtrimin fushor validues “Ujku i Pamposhtur 01”.

Sipas njoftimit, gjatë kësaj periudhe do të ketë lëvizje të konvojeve ushtarake nga vendbazimet e FSK-së në drejtim të rajonit të Gjakovës, përkatësisht drejt Aeroportit të Gjakovës dhe Poligonit Ushtarak në Babaj të Bokës.

Për këtë arsye, qytetarëve u është kërkuar mirëkuptim gjatë ditëve sa do të zgjasë ushtrimi, për shkak të qarkullimit të shtuar të automjeteve ushtarake në disa akse rrugore të vendit.