Ministria e Industrisë, Ndërmarrësisë, Tregtisë dhe Inovacionit (MINT) ka bërë të ditur çmimet maksimale të lejuara për derivatet e naftës për ditën e sotme (e diel).

Sipas MINTI-it, sot nafta do të shitet deri në 1.84 euro – centë për litër, benzina deri në 1.44 euro për litër dhe gasi deri në 0.89 euro për litër.

Të shtunën, nafta për një litër kishte çmimin maksimal 1.86 euro – centë.

Pas marrëveshjes së armëpushimit të arritur mes SHBA-së dhe Iranit, çmimet globale të naftës kanë shënuar rënie. Megjithatë, në Kosovë zbritja e çmimeve pothuajse nuk ka reflektuar fare deri më tani. Autoritetet dhe përfaqësuesit e sektorit të naftës kanë shfaqur shpresën për stabilizim gradual të çmimeve në ditët në vijim.

Ndërsa, ministrja e Tregtisë, Mimoza Kusari-Lila, ditë më parë shprehu besimin që stabilizimi i çmimit të naftës të vazhdojë në ditët në vijim pas arritjes së marrëveshjes për armëpushim dyjavor mes SHBA-së dhe Iranit.

Kusari-Lila tha se mekanizimi ekzistues për përcaktim e çmimeve maksimale të lejuara të derivateve të naftës nuk do të lejojë të shkohet mbi normën e përcaktuar.

Ditë më parë në vednin tonë, një litër naftë është tregtuar deri 1 euro e 93 centë.

/Kosovapress/