Japonia është goditur nga një tërmet me magnitudë 5.8 ballë, të premten, në ora 12:46 të mesditës sipas kohës lokale. Ndërsa nuk ka raportime për viktima ose dëme të konsiderueshme.

Agjencia Meteorologjike e Japonisë tha se tërmeti kishte epiqendrën e tij në prefekturën Chiba në një thellësi prej rreth 50 kilometrash (31 milje), raportoi Agjencia e Lajmeve Kyodo.

Dridhjet e tokës goditën prefekturën Chiba të Japonisë, duke tronditur zonat pranë Tokios, por nuk shkaktoi paralajmërim për cunami, sipas autoriteteve japoneze dhe Shërbimit Gjeologjik të SHBA-së, transmeton AA, përcjell KosovaPress.

Agjencia regjistroi një intensitet maksimal sizmik prej 4 ballë në shkallën shtatë-nivelëshe të Japonisë.

Studim Gjeologjik i SHBA-së raportoi gjithashtu tërmetin me magnitudë 5.8 ballë, duke e vendosur epiqendrën rreth 4 kilometra (2.48 milje) në jug-juglindje të Yokoshibas në një thellësi prej 56 kilometrash (34.7 milje).