Mbi dy milionë euro ka të drejtë të shfrytëzojë një subjekt politik për fushatë zgjedhore.

Kështu u vendos sot në mbledhjen e Komisionit Qendror të Zgjedhjeve, ku u tha se një subjekt politik ka të drejtë të shpenzojë një euro për një votues.

Sipas vendimit të KQZ-së, një subjekt politik ka të drejtë të shpenzojë deri në 2,092,202 euro, pra një (1) euro për votues të regjistruar. Kjo llogaritje është bërë duke u mbështetur në Rregulloren Zgjedhore nr. 07/2024 për fushatën e zgjedhjeve, monitorimin dhe deklarimin financiar si dhe duke u mbështetur në të dhënat e listës preliminare të votuesve, sipas të cilës numri i votuesve në vendin tonë është 2,092,202.

/Kosovapress/