Haxhiu udhëton në Sofje për Samitin e SEECP-së
Lajme
Lexohet për: 1 min.
Dëgjoje me zë...
Haxhiu udhëton në Sofje për Samitin e SEECP-së
Ushtruesja e detyrës së presidentes së Kosovës, Albulena Haxhiu, do të udhëtojë në Sofje të Bullgarisë për të marrë pjesë në Samitin e Procesit të Bashkëpunimit të Evropës Juglindore (SEECP).
Në këtë samit do të mblidhen liderët e vendeve të Evropës Juglindore për të diskutuar mbi bashkëpunimin rajonal, sigurinë, lidhshmërinë, integrimin evropian dhe zhvillimin e qëndrueshëm të rajonit, transmeton KosovaPress.
Sipas njoftimit, Haxhiu do të përfaqësojë Republikën e Kosovës dhe do të riafirmojë përkushtimin e vendit për bashkëpunim rajonal të barabartë, trajtim të drejtë në procesin e integrimit evropian, si dhe forcimin e sigurisë, paqes dhe stabilitetit në rajon.
Samiti i SEECP-së është forumi ku liderët e vendeve pjesëmarrëse shkëmbejnë qëndrime dhe koordinojnë veprimet për avancimin e bashkëpunimit dhe integrimit evropian.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
