Një natë historike dhe e jashtëzakonshme u zhvillua në oborrin e Shtëpisë së Bardhë për "UFC Freedom 250", një event që përkoi edhe me ditëlindjen e Donald Trump.
Ky aktivitet dhuroi spektakël të rrallë, ku të shtatë ndeshjet e mbrëmjes përfunduan me KO ose TKO.
Mrekullia e Justin Gaethje
Në moshën 38-vjeçare, Justin Gaethje dhuroi atë që po konsiderohet si mrekulli e arteve marciale mikse. Ai shkatërroi kampionin dhe favoritin e madh, Ilia Topuria, duke fituar titullin e padiskutuar të peshave të lehta. Ndeshja përfundoi në raundin e katërt, kur këndi i Topurias hodhi peshqirin pas një goditjeje të rëndë me gjunjë nga Gaethje.
Sipas raportimeve nga Yahoo Sports, Gaethje u shpreh i përlotur pas fitores:
"Duke ardhur nga një qytet aq i vogël, nuk mund t'ju them sa i bekuar jam që kam arritur këtë pikë. Tani kam mundësinë të përfaqësoj të gjithë vendin tim... Përpara kafazit pashë portretet e presidentëve tanë të mëdhenj dhe thashë me vete: 'Duhet të gërmoj thellë dhe t'i përfaqësoj këta njerëz'."
Përveç triumfit të madh të Gaethje-s, "UFC Freedom 250" dhuroi tronditje të tjera të mëdha në tetëkëndësh.
Në meçet kryesore, Ciryl Gane shuan ëndrrën e Alex Pereiras për t'u bërë kampioni i parë i UFC-së në tri divizione të ndryshme, duke e mposhtur atë me TKO pas një jabi shkatërrues.
Ndërkohë, "Suga" Sean O’Malley konfirmoi klasin e tij si pretendent kryesor për titullin në peshat bantam, duke arritur një knockout spektakolar (walk-off KO) në raundin e dytë kundër Aiemann Zahabi.
Po ashtu, ylli në rritje i peshave të rënda, Josh Hokit, vazhdoi ngjitjen e tij të shpejtë në renditje duke mposhtur me KO në raundin e dytë veteranin dhe legjendën e kësaj kategorie, Derrick Lewis.
