Franca dhe Anglia do të përballen sonte në ndeshjen për vendin e tretë në Kupën e Botës 2026, në një duel që vjen pas zhgënjimit të madh të të dyja kombëtareve në gjysmëfinale.

Takimi zhvillohet në stadiumin “Hard Rock” në Miami në orën 23:00 , ku të dyja skuadrat synojnë të mbyllin turneun me një rezultat pozitiv dhe të sigurojnë medaljen e bronztë.

Franca vjen në këtë përballje pas humbjes ndaj Spanjës në gjysmëfinale, duke humbur mundësinë për të arritur në finalen e madhe. Ndërkohë, Anglia u eliminua nga Argjentina në një ndeshje dramatike, pavarësisht se ishte në avantazh deri në momentet e fundit.

Për “Les Bleus”, kjo sfidë ka edhe një domethënie të veçantë pasi pritet të jetë ndeshja e fundit e trajnerit Didier Deschamps në krye të kombëtares, duke mbyllur një epokë të suksesshme.

Formacionet zyrtare:

Franca: Maignan; Gusto, Konate, Lacroix, Theo Hernandez; Zaire-Emery, Rabiot; Olise, Cherki, Doue; Mbappe

Anglia: D Henderson; Konsa, Quansah, Guehi, Spence; Rice, Rogers, Eze; Saka, Rashford; Toney

/Kosovapress/