Formacionet zyrtare të Veronas dhe Juventusit
Sot me fillim nga ora 18:30 do të zhvillohet ndeshja tejet interesante mes skuadrës së Veronas dhe asaj të Juventusit, e vlefshme kjo për xhiron e 14 të Serie A.
Juventusi do ta kërkojë sot me çdo kusht fitoren ndaj Veronas, e cila do të ishte e pesta me radhë në kampionatin italian, raporton KosovaPress.
Në xhiron e fundit të zhvilluar, Verona u mposht nga Monza me rezultat 2:0, sikurse Juventusi që e mposhti me rezultat të njëjtë Interin.
Takimi i fundit mes Juventusit dhe Veronas daton në muajin shkurt të vitit të kaluar, ku asokohe “Zonja e Vjetër” regjistroi fitore me rezultat solid 2:0.
Sa i përket ndeshjes së sotme, të dy skuadrat do të kenë probleme me mungesa të lotjarëve, ku për Juventusin nuk do të paraqiten Ake, De Sciglio, Iling, Kaio Jorge, Peeters, Vlahovic, Chiesa dhe Pogba, kurse te Verona mungojnë Hrustic, Magnani, Coppola, Cortinovis, Faraoni, Ilic dhe Piccoli.
Tanimë të dy trajnerët kanë vendosur se me cilët lojtarë do ta fillojnë ndeshjen e sotme, dhe formacionet zyrtare i gjeni më poshtë.
Verona (3-4-2-1): Montipo; Ceccherini, Hongla, Sulemana, Terracciano; Kallon, Lasagna; Djuric
Juventus (3-5-2): Perin; Danilo, Bonucci, Bremer; Cuadrado, Fagioli, Locatelli, Rabiot, Kostic; Kean, Milik
