Sonte në "Santiago Bernabeu" 21:00, Real Madridi pret rivalët e qytetit, Atletico Madrid, në edicionin e 50-të të derbit nën epokën e Diego Simeones.

Pas kualifikimit mbresëlënës në Champions League ndaj Manchester Cityt, "Los Blancos" kthehen në La Liga me misionin e vetëm për të ngushtuar diferencën me Barcelonën kryesuese. Me Vinícius Júnior në formë të lartë dhe një rekord shtëpiak prej 20 fitoresh në 23 ndeshjet e fundit, Reali shihet si favorit, por përballet me një Atletico që vjen nga katër fitore radhazi në kampionat dhe kërkon të thyejë tabunë e ndeshjeve jashtë fushe.

Sfida pritet të jetë taktike, sidomos duke pasur parasysh mungesat e mundshme të portierëve titullarë, Courtois dhe Oblak, për shkak të lëndimeve. Julian Alvarez, i cili shkëlqeu ndaj Tottenhamit në Evropë, do të jetë kërcënimi kryesor për mbrojtjen e Realit.

Formacionet zyrtare:

Real Madrid 4 - 4 - 2: Lunin, Alexander-Arnold, Rudiger, Carvajal, Huijsen, Valverde, Pitarch, Tchouameni, Guler, Vinicius Jr., Mbappe.

Atletico Madrid 4 - 4 - 2: Musso, Llorente, Gimenez, Hancko, Ruggeri, Simeone, Cardoso, Koke, Le Normand, Alvarez, Lookman.

KosovaPress