FIFA ka refuzuar zyrtarisht ankesën e Federatës së Belgjikës (RBFA) lidhur me të drejtën e lojës së sulmuesit të SHBA-së, Folarin Balogun, duke e lënë në fuqi vendimin që i lejon atij të luajë në 1/8 e finales së Kupës së Botës ndaj Belgjikës.

Sipas raportimit të The Athletic, Komiteti i Apelit të FIFA-s e ka shpallur kërkesën e Belgjikës si “të papranueshme”, me arsyetimin se federata belge “nuk është palë në procedurë dhe nuk ka të drejtë ankese”.

Në reagimin e saj, RBFA ka deklaruar se nuk është pajisur ende me arsyetimin e plotë të vendimit dhe se po shqyrton hapa të mëtejshëm ligjorë.

“Kjo lë të gjitha veprimet e mëtejshme të hapura,” thuhet në komunikatën e federatës belge.

Balogun ishte përjashtuar fillimisht me karton të kuq ndaj Bosnjës, por FIFA më pas pezulloi dënimin e tij në mënyrë të përkohshme, duke e lejuar të luajë në ndeshjen vendimtare kundër Belgjikës.

KosovaPress