FC Prishtina ka zyrtarizuar transferimin e qendërmbrojtësit Anio Poçi, i cili bëhet përforcimi i dytë i skuadrës për sezonin 2026/27.

Klubi bardhekaltër njofton se Poçi vjen pas një sezoni të suksesshëm me Egnatian në Shqipëri, ku u shpall kampion dhe regjistroi 40 paraqitje në të gjitha garat, ndërsa më herët ka pasur eksperiencë edhe në Greqi.

“Jam shumë i lumtur që jam pjesë e FC Prishtinës. Do të jap maksimumin tim për të ndihmuar ekipin të arrijë objektivat e vendosura. Me paraqitjet e mia do të mundohem të kontribuoj sa më shumë, në mënyrë që së bashku të përmbushim pritshmëritë e klubit dhe të tifozërisë.”