Michael Gahler, eurodeputet gjerman, reagoi ndaj deklaratës skandaloze të ministres serbe, Snezhana Paunoviq se po të ishte në vend të Sllobodan Millosheviqit më 1998, do ta kishte spastruar etnikisht Kosovën.

“Deklarata të tilla nga ministra të një vendi kandidat për anëtarësim në BE nuk mund të injorohen. Më 11 korrik, ministrja serbe Paunoviq deklaroi në një intervistë televizive se, po të kishte qenë në vendin e Millosheviqit në vitin 1998, ‘do ta kishte spastruar etnikisht Kosovën nga shqiptarët’. Pres që ajo të shkarkohet nga detyra!”,  shkroi në X Gahler.