Euro 2024: Qetësi para stuhisë, nesër çerekfinalet
Kanë mbetur më pak se 24 orë deri në fillimin e çerekfinaleve të Kampionatit Evropian Euro 2024.
Ndeshja hapëse e fazës së çerekfinales së Euro 2024 do të zhvillohet nesër me fillim nga ora 18:00, ku në stadiumin “MHPArena” të Stuttgartit do të përballen Spanja dhe Gjermania, raporton KosovaPress.
Ndërkaq, ditën e nesërme do ta përmbyllë dueli tjetër tejet interesant mes Kombëtares së Portugalisë dhe asaj të Francës.
Ndeshja zhvillohet në stadiumin “Volksparkstadion” të Hamburgut me fillim nga ora 21:00.
E të shtunën do të zhvillohen edhe dy ndeshjet e fundit çerekfinale të Euro 2024.
Me fillim nga ora 18:00 stadiumi “Merkur Spiel-Arena” do të jetë nikoqir i ndeshjes mes Anglisë dhe Zvicrës, ndërkaq nga ora 21:00 do të zhvillohet ndeshja mes Holandës dhe Turqisë në stadiumin “Olympiastadion” të Berlinit.
E premte (5 korrik)
18:00 Spanja – Gjermania
21:00 Portugalia – Franca
E shtune (6 korrik)
18:00 Anglia – Zvicra
21:00 Holanda – Turqia