Kryesuesi i Këshillit Prokurorial të Kosovës, Arian Gashi ka siguruar që kryeprokurori i ri i shtetit do të jetë produkt i një procesi të drejtë, të pavarur, të paanshëm dhe bazuar në meritokraci.

Ai tha se emërimi i kësaj pozite është kërkesë e partnerëve ndërkombëtarë dhe vendor. Ndërsa, Kosova nga viti 2023 është me ushtrues detyre të kryeprokurorit të shtetit, pozitë të cilën aktualisht e udhëheqë Agron Qalaj e më parë e udhëhiqte Besim Kelmendi.

Kurse, anëtari i KPK-së, Dardan Vuniqi shprehu qëndrimin e tij lidhur me këtë pozitë, duke thënë vendimmarrja e tij do të mbështet në ligj e integritet, dhe i pandikuar nga asnjë presion çoftë i brendshëm apo i jashtëm.

Visar Krasniqi, anëtarë i Këshillit, theksoi se këtë shqetësim do ta trajtojnë me top prioritet.

Ndërsa, u zotua se do të punojnë në ndryshimet e rregullores për zgjedhjen e kryeprokurorit të shtetit dhe kryeprokurorëve, e cila aktualisht parasheh që na panel të jenë pesë anëtarë.

Në këtë mbledhje u diskutua edhe për zgjedhjen e anëtarëve të Komisionit për Vlerësim të Performancës së Prokurorëve ku dy anëtarët Nazan Shero dhe Aleksandër Lumezi, kanë mandatë.

Për këtë, kryesuesi i KPK-së, Arian Gashi tha se nuk ka bazë ligjore të zgjidhen anëtarë të rinj, por vetëm t’u rikonfirmohet anëtarëve aktual mandati i tyre.

Po ashtu, në mbledhjen e sotme të KPK, u themelua edhe komisionit mbikëqyrës për monitorimin e rasteve të korrupsionit dhe krimeve ekonomike që rrjedhin nga Plani Strategjik i sistemit prokurorial 2025-2027.

Kryesues i këtij Komisioni u emëruar anëtarja e KPK-së, Elza Bajrami me 5 vota për, asnjë kundër dhe një abstenim. Anëtarë janë zgjedhur Shkelzen Ibrahimi, dhe Besim Kelmendi.

Gjatë kësaj mbledhje të KPK, anëtari i Këshillit Prokurorial të Kosovës, Milot Krasniqi mori detyrën të  udhëheqë me grupin punës  për monitorimin e zbatimit të Planit Strategjik dhe Planit të veprimit për periudhën 2025-2027.

Këshilli Prokurorial i Kosovës ka miratuar kërkesën e anëtares së këtij Këshilli, Elza Bajrami për pushim t lehonisë.

/Kosovapress/