Restaurimi i mozaikut të famshëm në Milano, “Demi i ngritur” në Galleria Vittorio Emanuele II, është bërë objekt i talljeve gjatë punimeve duket se është humbur një detaj i njohur i tij – testikujt e demit.

Mozaiku i shekullit XIX, i dëmtuar nga kalimi i vazhdueshëm i turistëve që kryejnë ritualin e rrotullimit mbi thembrën e djathtë për fat të mirë, është riparuar së fundmi. Por pas restaurimit, shumë vizitorë vunë re se detaji më i diskutuar nuk ishte më i dukshëm.

Sipas traditës, rrotullimi mbi dem sjell fat dhe kthim në Milano. Ky ritual është bërë aq i njohur sa ka nxitur edhe kritika për dëmtimin e mozaikut.

Restaurimi, që kushtoi rreth 30,000 euro, ka sjellë reagime të shumta në rrjet, me komente ironike dhe akuza për “censurë”, sipas The Guardian.

Autoritetet thonë se ndërhyrja ishte e nevojshme për ruajtjen e veprës historike, e cila dëmtohet nga fluksi i madh i turistëve.

Ngjarja ka rikthyer në vëmendje edhe raste të tjera në Itali, si statuja e Zhulietës në Verona, e cila është dëmtuar disa herë nga turistët që e prekin për fat në dashuri.